محترم حضرت حکیم صاحب السلام علیکم!ہر نماز کے بعد آپ کے لیے اور آپ کی نسلوں کے دعا کرتی ہوں اور عبقری کے تمام تر نظام کے لیے کہ اللہ غیب کے خزانوں سے آپ کی مدد اور حفاظت فرمائے (آمین)۔میرے شوہر کی انکم انتہائی کم اور اخراجات بہت زیادہ تھے مہینے کی دس تاریخ کو ہی پیسے ختم ہوجاتے اور پورا مہینہ کیسے گزارتے یہ ہم ہی جانتے ہیں۔جب عبقری رسالہ پڑھنا شروع کیا تو ہمیں تنگدستی اورغربت کو ختم کرنے کیلئے سورۂ کوثر اور برکت والی تھیلی کا عمل ملا۔ ہم نے فوراً دفتر ماہنامہ عبقری سے اسم اعظم کی دم شدہ برکت والی تھیلی منگوا اور اسی میں پیسے رکھنا شروع کردئیے اور اس پر صبح و شام 129 مرتبہ سورۂ کوثر بھی پڑھتے ہیں اور جب پیسے رکھتے اور نکالتے ہیں تو ایک مرتبہ سورۂ کوثر پڑھ کر دم کردیتے ہیں۔ اس کی برکت سے اللہ رب العزت غیب کے خزانوں سے ہماری مدد کررہے ہیں۔غربت ختم اور خوشحالی پانے کا انوکھا راز ہے۔(رباب ‘ پشاور)